Қоңырат районында “Мәҳәллебай” ислеў системасы

Ҳүрметли Президентимиз илгери сүрген “Мәҳәллебай” ислеў системасының енгизилиўи халықтың параўанлығын асырыў, бәнтлигин тәмийнлеў ҳәмде дәраматларын жақсылаўға хызмет қылыўы менен әҳмийетлидир.

Биринши мәрте турмысқа енгизилип атырған “Мәҳәллебай” системасына көре, енди райондағы экономика комплекси хызметкерлери ҳәр бир мәҳәллеге бириктирилип, пуқаралар пенен ушырасып өз тараўларына байланыслы мәселелерди үйренип оларды сапластырыў ҳәмде ҳалықтың бәнтлигин тәмийнлеў ушын оларда исбилерменлик ўқыбын арттырыў яки болмаса қандайда бир кәсиптен дәрамат табыў жолларын түсиндиреди ҳәм үйретеди.

Сол мақсетте ҳәзирги күнде Фергана ўалаяты тәжрибеси сыпатында халық пенен ислеў яғный “Мәҳәллебай” системасы бойынша жумыслар Қоңырат районында да басланды.

Усы дүзилген исши топарлардың жумысларын еледе жетилистириў мақсетинде усы жылдың 18-февраль күни районның “Устирт” аўыл пуқаралар жыйыны аймағында көргизбели семинар болып өтти. Бул семинарға Қарақалпақстан Республикасы министрликлер, коммерциялық банклердиң басшылары ҳәмде райондағы экономика комплексине кириўши ҳәм басқа тийисли мекеме, кәрхана басшылары, Тамарқа хызмети, басқада тамийнатшы кәрханалар өзлериниң өнимлери менен қатнасты.

Көргизбели семинар өткерилген “Устирт” аўыл пуқаралар жыйынында 531 үй хожалықлары бар болып, бугинги күнде 2696 халық жасап келмекте. Соннан жумыс пенен бәнт пуқаралар 380, жумыссызлар 152 пуқара. Бугинги күнде “Темир дәптер”де 2 шанарақ, “Ҳаяллар дәптери”не 37 ҳаял-қыз ҳәм “Жаслар дәптери”не 63 жаслар киритилген. Аймақта 1 шанарақ балалар бақшасы, 2 улыўма билим бериў мектеби ҳәм 1 аўыл шаңарақлық поликлиникасы филиалы бар.

“Устирт” аўыл пуқаралар жыйыны тийкарынан шарўашылыққа бейимлескен болып, аймақта қой-ешки ҳәм түйешиликти раўажландырыў имкәнияты жоқары.

“Мәҳәллебай” ислеў системасы бойынша “Устирт” аўыл пуқаралар жыйынына Қишлоққурилиш банк Қоңырат филиали бириктирилген. Банк хызметкерлери аўылдағы пуқаралар пенен ушырасып өз тараўларына ҳәм Бәнтликке көмеклесиў орайы тәрепинен жаратылып атырған кәсипке оқытыў, теплица ушын ҳәм исбилермен болып дизимнен өтиўде районлық мәмлекетлик хызметлер орайына төленетуғын төлемлер ушын субсидиялар ажыратылатуғынлығы ҳаққында түсиндириў жумысларын алып барылмақта.

Көргизбели семинар слайдлары……..