2020-жыл әҳмийетли ўазыйпалардың орынланыўы

Бүгин 3-февраль күни Өзбекистан Республикасы Экономика ҳәм санаат министрлигиниң  үлкен мәжилислер залында Президентимиз Мүрәжаатнамасында тиккелей министрликке жүклетилген ўазыйпалардың орынланыўына арналған ушрасыў болып өтти. Ушрасыўды министр Ботир Хўжаев ашты ҳәм өз баянатында  Мүрәжаатнамада 2020-жылда республиканың социал-экономикалық тараўларында белгилеп берилген әҳмийетли ўазыйпалардың орынланыўын жеделлесттириўге тоқталып өтти.

Соннан соң  усы ўазыйпалардың әҳмийети, орынланыў мүддетлери  ҳаққында Макроэкономикалық анализ ҳәм прогнозластырыў департаменти  баслығы Хуршид Рахматуллаев презентациясы көрсетип өтилди.

Сондай-ақ, басшылар тәрепинен жасларды қоллап-қуўатлаў мақсетинде, министрлик жаслары арасында “Жас экономист – 2019” номинациясы бойынша шөлкемлестирилген таңлаў жеңимпазлары анықланды. Онда  жеңимпаз деп табылған 2 жас қәнийге диплом ҳәм қымбат баҳалы саўғалар менен сыйлықланды.

Ушрасыў даўамында мәмлекетимизде жасларға қаратылған мәмлекет сиясатын жәнеде раўажландырыў күн тәртибине қойылыўы себепли, министрликте жаслар менен ислесиў нәтийжелилигин баҳалаў бойынша  тийкарғы  көрсеткишлерди ислеп шығыў, жаслар сиясатын баҳалаў миллий индексин дүзиў айрықша атап өтилди.